Nali_1.jpgمەسعوود محەمەد
«دەستەودامانی نالی»
ستۆکهۆلم
1997

 

 

«مێژساڵێكە مەراقی كارێكی پێویست سەرشانی ئەدەبدۆستیی كوردەواری هەستم دەڕووشێنێت و دنەم دەدات و دەستم پێی ناگات. دەمەوێ پاتەوپات و بێ مەرایی بڵێم شەرحەكەی دیوانی نالی، لەلایەن مامۆستا مەلا عەبدولكەریمی موددەڕیس و، گیانشاد، فاتیحی ڕۆڵەی بێگەرد و بێتەقسەیریەوە، كە خانەی وێرانی «خاكوخۆڵی» بۆ كورد و كوردستان سەرلەنوێ ئاوەدان كردەوە و بێن و بەرامەی گوڵستان و بۆستان و بەهارستانی ئەدەبی پەردەپۆشی كەڵەشاعیری كوردی لە دەماغی خەیاڵ و خەون و خولیای هەموو هەستەوەری ناسك گێڕا، كاتی ئەوە هاتووە ئەگەر نەڵێم پیر بووە...».

«دەستەودامانی نالی»

 

سەری زولفت کە ڕشتەی عومری خضری نیوە ھەودایە
چ ھەودایێ کە ھەر حه‌ڵقێکی صەد زنجیری سەودایە

برۆت تیغێکە وەسمەی«صیقل»ـی مەسلوول و مووکارە
کە عێشوەی جەوھەرە، ڕەمز و ئیشارەی ئاو و مەودایە

بە نەشئەی سستی و مەستی وەھا مەستوور و مەخموورە
نەزانم خەو لە چاوتدایە یا چاوت لە خەو دایە

لە سایەی کوفری زوڵفت دڵ «فنا فی النور»ی ئیمانە
مەڵێن ظوڵمەت خراپە وەصڵی پەروانە لە شەودایە

ھەناسەم زوڵفەکەی لادا و مەیلێکی نەکرد چاوی
نەسیم ئەنگووت و شەو ڕابورد و نەرگس ھەر لە خەو دایە

لە «دوری» تۆیە ئەی خورشیدی پرتە و بەخشی شەوگەردان
کە نالی وا لە حاڵاتی محاقی ماھی نەودایە

«...»